АҚПАРАТЫ
Абай сөзі – халқымыздың рухын асқақтатып, еңсесін түзеген аталы сөз. Қазақ халқы ұлы ақынның мұрасы арқылы толысып өсті.
9 тамыз күні С.Жиенбаев атындағы облыстық жасөспірімдер кітапханасында кітапхана оқырмандарына қазақтың ұлы ақыны, қазақ жазба әдебиетінің негізін қалаушы Абай Құнанбаевтың туған күніне орай ақынның шығармашылық мұрасынан мол мағұлмат беретін «Даламның ізі дара даналары» тақырыбында кітап көрмесі ұйымдастырылды.
Кітап көрмесінің мақсаты – Абай шығармаларын насихаттау. Жас ұрпақты кітап оқуға шақыру.
Кітап көрмесіне «Мәңгілік тұлға – ұлы Абай» жинағы, М.Әуезовтің «Абай жолы» 4 томдық романы, ақынның шығармалары мен өлеңдері, поэмалары, қара сөздері ұсынылды. Қатысушылар саны – 18
