Ақтөбе облыстық С.Жиенбаев атындағы жасөспірімдер кітапханасы

Тамыздың 30-ы күні Ата Заңның 20 жылдығына орай Тұңғыш Президент атындағы мәдениет және демалыс саябағында  меркелік шара өтті.

Шара барысында облыс әкімінің орынбасары Айгүл Арынғазиева облыс тұрғындарын Қазақстан Республикасы Концтитуциясының 20 жылдығымен құттықтап жүрек жарды лебізін білдірді.

Мерейлі мерекеге орай облыстық мәдениет, мұрағаттар және құжаттама басқармасының басшысы Назира Табылдинова мәдениет мекемелері қызметкерлерін тарихи және мәдени мұраларымызды сақтап қалуға қосқан үлестері үшін алғысын білдірді. Сонымен қатар С.Жиенбаев атындағы облыстық жасөспірімдер кітапханасы директорының орынбасары Құдасова Үржан Құрманқызын Алғыс хатпен және арнайы сыйлықпен марапаттады.

Кітапхана ұжымы Үржан Құрманқызын шын жүректен құттықтайды! Зор денсаулық, отбасына амандық, абыройлы еңбек,  жаңа шығармашылық табыстар мен игі жетістіктер  тілейді. 

С.Жиенбаев атындағы облыстық жасөспірімдер кітапханасына  дербес ғимарат беріліп, кітапхана жаңа мекен - жайға қоныс аударды. Үстіміздегі жылдың 23 қаңтар күні сағат 16.00 де кітапхана орналасқан ғимараттың салтанатты түрде ашылуы болып өтті. Бұл ақын Сағи Жиенбаевтың 80 жылдығына және кітапхананың 35 жылдығына орайластырып,  облыс әкімдігі тарапынан, облыстық мәдениет, мұрағаттар және құжаттама  басқармасының қолдауымен халықтың игілігі үшін беріліп отырған мәдениет ошағы.