Кітапхана туралы
Біздің кітапхана сайтына қош келдіңіздер!
«Сағи Жиенбаев атындағы Ақтөбе облыстық жасөспірімдер кітапханасы» – Ақтөбе қаласының кітапханасы. Біз сіздерді кітапхананың парақшасында қуана қарсы аламыз. Мұнда сіз біздің мекеме туралы негізгі ақпаратпен таныса аласыз.
Кітапхананың мақсаты «Сағи Жиенбаев атындағы Ақтөбе облыстық жасөспірімдер кітапханасы» мамандарға жан-жақты ақпараттық-библиографиялық және кітапханалық қызмет көрсету арқылы республиканың ғылымы мен білімін дамытуға белсенді ықпал ету болып табылады. Қазір жаңа технологиялар ғасыры болса да, кітапханалар мен ескі-жақсы баспа кітаптары әлі күнге дейін жоғары бағаланады. Бізде сіз көптеген түрлі кітаптарды, соның ішінде ғылыми әдебиеттерді таба аласыз. Сіз осы жерден таба алатын көптеген кітаптар әлі де электронды форматта жарияланбаған немесе жарияланбаған, бірақ көптеген қателіктермен дұрыс емес. Біздің кітапханашылар сізге іздейтін кітапты табуға көмектеседі.
Қазақ ақыны, нәзік сезімді, қайырымды азамат, поэзия зергері және ақындардың әлденеше буынының ұстазы – Сағи Жиенбаев 1934 жылы 15 мамырда Ақтөбе облысының Байғанин ауданындағы Оймауыт ауылында туған.
1955 жылдан Гоголь атындағы Қызылорда педагогика институтын бітіргеннен кейін Жезқазған қаласының 10 орта мектебінде қазақ тілі мен әдебиетінен сабақ берді.
1956 жылдан әдеби қызметке ауысып «Қазақ әдебиеті», «Қазақстан пионері» газеттері мен Жұлдыз», «Мәдениет және тұрмыс» журналының редакцияларында істеді. Ұзақ жылдар бойы «Жазушы» баспасының поэзия редакциясын басқарды. Соңғы жылдары «Ақ Орда» журналының бас редакторы болды.С.Жиенбаев көптеген жыр кітаптарының авторы. Оның алғашқы «Қарлығаш» атты өлеңдер жинағы, 1959 жылы жарық көріп, қалың оқырманды ақындық аса нәзік ерекше тынысымен баурап алды.
Өз тұстастары Қадыр Мырзалиев, Тұманбай Молдағалиев секілді Сағи өмірде де, өлеңде де ерте есейген ұрпақтың өкілі. Сол ұрпақтағы поэзия әлемінде көрінген жас ақындарға көңіл аударған ұлы жазушы М.Әуезов ризашылықпен «Сағи Жиенбаевтың бірқатар өлеңдерін оқыдым.Оларда толып жатқан образ, көп шындық, көпшілікке ортақ шындық бар, біртүрлі еліктіретін, сүйсіндіретін, оқушыға бас игізетін соншалық шындық пен бетке ыстық демі сезіліп кеткендей көрінетін шыншылдық бар, поэзияға керек нәрсе – осы шыншылдық»- деп бағалаған. Ата жазушының ақ батасындай осы сөз Сағидың ақындығына халықтың үміт сенімін арттыра түскендей болды.Ақын қазақ поэзиясының екінші тынысы ашылған 60-жылдары жыр додасының дулы ортасында болды.Ойып тұрып өз орнын белгіледі.Сезімтал лириканың сирек құбылыстарының біріне айналды. Қазақ поэзиясын Сағи лирикасынсыз елестету мүмкін болмай қалды. Сағи сазы – бұл қазақ лирикасындағы айрықша нұрлы, сырлы саз. Ол дауыс, ол саз уақыт озған сайын қоғам, ұрпақтар толқыны жаңарған сайын қалың қоғамға жаңа сәнмен жаңара береді. С.Жиенбаев қазақ әдебиетін дамытудағы үлкен еңбегі Қазақстан Республикасы Жоғарғы Кеңесінің Құрмет грамотасымен, басқа да үкімет наградаларымен марапатталған. Көрнекті ақын, нәзік сезімді, қайырымды азамат поэзия зергері және ақындардың әлденеше буынының ұстазы Сағи Жиенбаев 1994 жылы 15 мамырда 61 жасқа қараған шағында кенеттен қайтыс болды. 2000 жылы Мәдениетті қолдау жылында Қазақстан Республикасы Үкіметінің 2000 ж. 16 ақпан №257 қаулысымен Ақтөбе өңірінде дүниеге келген лирик ақын С.Жиенбаев есімі Ақтөбе облыстық жасөспірімдер кітапханасына берілді. Және қала көшесі, Байғанин ауданындағы Оймауыт ауылының орта мектебі ақын есімімен аталады. Сәулетті сөздің шебері, жаны жайдары, алтын қалам иесі С.Жиенбаевтың жырлары жас ұрпаққа үлгі өнеге.
